NATIONAL X MAN SOCIETY WILL SPORT HAJI M RAMZAN IN NA 142 9-3-2013

NATIONAL X MAN SOCIETY WILL SPORT HAJI M RAMZAN IN NA 142 9-3-2013

http://kasurupdates.com/index.php?option=com_content&view=article&id=1578:-----------142-----------&catid=3:2012-08-30-18-02-00&Itemid=4

نیشنل ایکس سروس مین سوسائٹی نے جماعت اسلامی حلقہ این اے 142کے اُمیدوار حاجی محمد رمضان کی حمایت کا اعلان کر دیا

منگل, 09 اپریل 2013 04:39

بھائی پھیرو(زین العابدین سے)نیشنل ایکس سروس مین سوسائٹی نے جماعت اسلامی حلقہ این اے 142کے اُمیدوار حاجی محمد رمضان کی حمایت کا اعلان کر دیا ۔ سینکڑوںریٹائرڈ فوجی پولنگ کے دن پولنگ سٹیشنوں پر پہرا دیں گے اور دھاندلی کو روکیں گے ۔ سوسائٹی کے عہدےداران کا اعلان ۔ تفصیلات کے مطابق نیشنل ایکس سروس مین سوسائٹی کے تین رکنی وفد نے گذشتہ روز جماعت اسلامی کے حلقہ این اے 142کے اُمیدوار حاجی محمد رمضان سے ملاقات کی ۔ وفد میں راولپنڈی زون کی تنظیم کرنل ( ر) غلام عباس خاں ،ڈیرہ غازی خاں ڈویثرن کے کنوینر میجر ( ر) امتیاز راجہ اور نوشہرہ زون کے کنوینر میجر ( ر) ظفر خاں شامل تھے ۔ وفد نے جماعت اسلامی کے اُمیدوار محمد رمضان کی غیر مشروط حمایت کا اعلان کرتے ہوئے کہا کہ آئندہ انتخابات قوم و ملک کے لئے بڑی اہمیت کے حامل ہیں ۔ قوم کو چاہیے کہ وہ چوروں اور لٹیروں کی بجائے ، محب وطن لوگوں کو ووٹ دیں اورنیک ، صالح اورایماندار لوگوں کو منتخب کریں ۔ اس سلسلے میں ملک کے ہر شہری کو اپنا مثبت رول ادا کرنا چاہیے ۔ ہماری سو سائٹی نے فیصلہ کیا ہے کہ وہ پورے پاکستان میں اچھے لوگوں کی حمایت کریں گے اور الیکشن کو صاف شفاف اور غیر جانبدارانہ بنانے کے لئے پولنگ کے دن ہر پولنگ اسٹیشن پر ریٹائرڈ فوجیوں کی مدد سے دھونس اور دھاندلی کا راستہ روکیں گے ۔ وفد نے یقین دلایا کہ اس حلقہ سے ان کی سوسائٹی کے ہزاروں ریٹائرڈ فوجی جماعت اسلامی کے اُمیدواروں کو ووٹ دیں گے اور پولنگ کے دن دھاندلی کا راستہ بھی روکیں گے ۔ حمایت کرنے پر اُمیدوار حلقہ این اے 142 حاجی محمد رمضان نے وفد کا شکریہ ادا کرتے کہا کہ ملک کے ہر شہری کا فرض ہے کہ وہ انتخاب کے دن سابقہ لٹیرے حکمرانوں کی بجائے با کردار لوگوں کو منتخب کرنے میں اپنا کردار ادا کریں ۔