HUGE PRICEHUGE PRICES OF DEISEL OIL CONDEMNED BY KBP 2-3-2013

HUGE PRICES OF DEISEL OIL CONDEMNED BY KBP 2-3-2013
http://www.kasurupdates.com/index.php?option=com_content&view=article&id=1271:2013-03-02-05-33-01&catid=2:2012-08-30-18-01-31&Itemid=11

زراعت دشمن حکمرانوں کے دن گنے جا چکے ہیں۔ بجلی ،کیڑے مار ادویات ،زرعی مشینری ،گیس کھاد اور دیگر زرعی مداخل کی ہوشربا قیمتوں نے پہلے ہی زرعی معیشت کی کمر توڑ رکھی ہے، کسان بورڈپاکستان کاشدید ردعمل

ہفتہ, 02 مارچ 2013 05:32

قصور(نمائندہ قصوراپڈیٹس)کسان بورڈپاکستان کے صدر سردار ظفر حسین نے ڈیزل کی قیمتوں میں اضافے کو حکومت کا ایک ظالمانہ اقدام قرار دیتے ہوئے کہا ہے کہ حکمران طبقہ نے کسانوں پربجلی بم،گیس بم اور کھاد بم گرانے کے بعد جاتے جاتے ڈیزل بم کا ڈرون حملہ کر کے ستر فی صد کسانوں کی پیٹھ میں چھرا گھونپ دیا ۔زراعت دشمن حکمرانوں کے دن گنے جا چکے ہیں۔۔بجلی، اور کھاد کی بلاجواز بڑھائی گئی قیمتوں اور شوگر ملوں کی لوٹ مارسے کسان پہلے ہی پریشان تھے مگر اب تیل کی قیمتوں میں بے تحاشا اضافہ قریب المرگ زرعی معیشت کیلیے زہر قاتل ثابت ہو گااور حکمرانوں کی کسان دشمن پالیسیوں کی وجہ سے دم توڑتی ملکی زرعی معیشت تباہ ہو جائے گی ۔کسان رہنماﺅں نے قیمتوں میں اضافے کو مسترد کر تے ہوئے اسے ظالمانہ اقدام قرار دیتے ہوئے کہا ہے کہ حکمران خود تو قومی خزانہ کی لوٹ مار کر کے عیاشیاں کر رہے ہیں مگر غریبوں کو نئے سال کی آمد پر مہنگائی کا تحفہ دیکرعوام کی بے بسی کا مزاق اڑا رہے ہیں۔انہوں نے حکمرانوں کو وارننگ دیتے کہا کسانوں پر ڈیزل بم ،بجلی بم اور کھاد بم کے ڈرون حملے بند کیے جائیں وگرنہ ستر فی صد کسان،، احتجاج بم ،،کے خود کش حملوں سے حکمرانوں کو نیست و نابود کر کے دم لیں گے۔